Ang mga Blaan, na binabaybay bilang “Blaan”, ay isa sa mga katutubo ng Southern Mindanao sa Pilipinas. Ang kanilang pangalan ay maaaring nagmula sa “bla’’ na nangangahulugang “kalaban” at ang suffix na “an” na nangangahulugang “mga “tao”. Mas gugustuhin ng mga Blaan na tawagin silang Blaan kaysa Bilaan dahil para sa kanila ang pagbigkasng salitang ito na Bilaan ay nangangahulugan ng kawalang paggalang at kabastusan. 

Ayon naman kay Arcenas, may dalawang klasipikasyon ang pangkat-etniko. Ito ay ang To Lagad o highlanders o mga Blaang nakatira samatatarik na bundok at To Baba o lowlanders, mga Blaang nakatira sapatag. May mga To Lagad sa Davao del Sur, South Cotabato at SultanKudarat. Samantalang ang mga To baba naman ay matatagpuan sa tabing-dagat ng Sarangani at General Santos City, at sa ilang bahagi ng Davao Del Sur sa lungsod ng Jose Abad Santos, Balut at Sarangani Island. Wikang Blaan ang kanila ring wika. May sariling estrukturang politikal kung saan ang katutubong pamayanan ay pinamumunuan ng mga fulung o tribal chieftain. May mayamang materyal  at di-materyal na kultura tulad ng katutubong sayaw o tinatawag nilang maral, katutubong kasuotan tulad nglbung at daféng para sa kababaihan at  tabih at utub  para sa kalalakihan, mayroon ding awit o malëm, kuwento o flalók, musikal na instrumento tuladng faglung o lute, gong o falimák, at kagamitang pandigma at pangangaso tulad ng espada o fais, sibat o agas, at busog at pana o bohol na fana.